ألم الفراق... بقلم ياسر شرف

 

ألم الفراق
تنسى الهموم تطوي الأوراق
لكن المرارة في ألم الفراق
تبعد عن الناس الأحباب
وتروح تسافر عشان غلاء
تهجر قلوب أهل وخلان
من اجل عملك وكسب المال
تكوين في أسرة ومال وعيال
والدفع يبقى في راحة البال
ومهما بتزيد في اشتياق
لاشيء يعالج ألم الفراق
تنسى الهموم تطوي الأوراق
لكن المرارة في ألم الفراق
الموت بيسرق أي حبيب
في ثانية واحدة يروح ويغيب
صاحب وأب وعم كمان
يموت وتشعر بالتوهان
ومهما تحاول في النسيان
فقدت راجل كان إنسان
وذكريات بتعيد أشياء
ولا شيء يعالج ألم الفراق
تنسى الهموم تطوي الأوراق
لكن المرارة في ألم الفراق
بنتك وابنك كبروا معاك
ويتجوزوا وينسوا ذكراك
ويهاجروا يعنى يسافروا بلاد
والقسوة ناتجة من البعاد
زمان وكانوا كده أطفال
كنا بنلعب ليل ونهار
دلوقت ده سابوني محتار
في فراق وحيرة وجنة ونار
وذكريات بتعيد أشياء
ولا شيء يعالج ألم الفراق
تنسى الهموم تطوي الأوراق
لكن المرارة في ألم الفراق
ومهما تحكي تعيد وتزيد
لاشيء يعالج فراق حبيب
خيالها كان هو الإلهام
والعشق فيها يزيدني هيام
وحلمت بصلاح الأحوال
وأجيب لها خاتم سليمان
وسافرت أطوي في الأمواج
عشان أحقق في الأحلام
وتركتني يعني في شوق وعذاب
وسابتني وحدي وأنا عالباب
وذكريات بتعيد أشياء
ولا شيء يعالج ألم الفراق
 

مع تحيات الفقير إلى الله
 

بقلم ياسر شرف
كبير محررين مترجمين
باتحاد الاذاعة والتلفزيون