بالعامية
يا طير الحمام
................
بالله عليك يا طير الحمام
بلغه مني السلام
قلو شتئت لضحكتو
و للهفة الأيام
شتئت لعيونو المليانه كلام
و لحضنه الدافي بقلب الحرمان
بلغه يا طير السلام
قلو القلب دايب
فراقه ملاه آلام
تربع الحزن
و بالصدر صار أكوام
حتى زهور الدار
دبلت مع الأيام
غادر العطر منها
و أعلن الخصام
سألت الجوري
ليه صابك البهتان
وين الريحه يا زهرة البستان
مال بزهوره و الدمع سيلان
نطق بدموعه ...
و القلب المليان...
حزن ع أيام... ودعها الفرح
أخد بسمة و فرحة الأوطان
بلغه يا طير الحمام السلام
و يا قمر خليك سهران
بدي شوف صورته
خليك سهران
و يا شمس لا تطلعي
و يا غيم خليك غفيان
بالله عليك يا طير الحمام
قلو العمر ضاع و ملاه الهجران
و درب الحلم ضاع
سرقته الأحزان
و الطفل غفي بحضن الزمان
و الأحلام دابت ع درج النسيان
و السلام ضااااع يا حرام
مع تحياتي ...جميلة نيال
ليست هناك تعليقات:
إرسال تعليق