كلميني... بقلم احمد فهمي

 

 

(( كمليني ))
---------
كمليني ....
كملي الحلم الجميل
اللي بينا
رتبيني ...
رتبي كل حروف الأبجدية
واكتبيني ....
بيت قصيدة في الرواية
قصة دايمه للنهاية
ضمي حرفك
و انزعي الكسرة
اللي بينا
و ارسميني ....
صورة حلوة في عيونك
وقت ما يكون الغروب
وقت ضحكة الشمس
لينا بالشروق
انزعي كل القيود
حرف اسمي
ويا اسمك
تبقى لينا الدنيا نور
وارسميني....
بحر هادي وموجة عادي
شط مرسى للأمان
علميني ...
ازاي أكون بين إديكي
طفل يبحث ع الأمان
واعزفيني ...
غنوة ليها اللحن بان
واسمعيني ...
قبل ما الأحزان تبان
أحضنيني ...
قبل ما ياخدنا الزمان
في دروب الضلمة فيها
نلقى نعمه النسيان أمان
رجعيني ...
وارجعي قبل ما يفوت الأوان
قبل ما الأحلام تموت
واللي بينا يبقى كان

بقلم
حرفيات شاعر
احمد فهمي
15/7/2017