{ يوميات خريج مسجون} بقلم الشاعر السيد انور إبراهيم محمد

{ يوميات خريج مسجون}
نسأل مين عن حلم سنين..............
.............فى الجامعة رسمناه بإيدينا

القلب إتألم وتعبت أتكلم..................
..............لأجل وظيفة نعول أهالينا
بكتب وبخاطب فى ضمير................
................يراعى ولاد مصر المحروسة
........................................................
أنا مش بحلم أبقى وزير.........................
...............ولا يوماتى أكل بسبوسة
سارح أبيع كدة ع الكورنيش............
....................ورد وفل للعشاق
وزميلى بيمسح ورنيش......................
...............علشان بس نلاقى العيش
مطلوب نمشى فوق الأشواك.............
........................................................
ياماسهرناوياماتعبنا......................
.............علشان نوصل بر أمان
ولما وصلنا لقينا أحلامنا......................
...............ساكنة معانا ورى القضبان
شمس حزينة وعنبر ضلمة.................
...............فية مسجون وعلية سجان
بيصرخ أنا خريج م الجامعة..............
.....................أية وصلنى للإدمان
بعد ماكنت شاطر ومميز.....................
...........وفى شهادتى تقدير ووسام
أية خلانى أتوه وأضيع....................
.................مين خلانى أبيع برشام
أية خلانى أعيش محبوس.................
..............وأكل عدس وفول بسوس
ويكون لى صحيفة أحكام.................
والله حرام................... والله حرام
{ يوميات خريج مسجون}
بقلم الشاعر
السيد انور إبراهيم محمد