تاخدوا كام
وترحموني من الملام
وترجعولي ضحكتي
وتمسحوا عن عيوني دمعتي
تاخدوا كام
وتسيبوني أنام
وتعتقوني من كذبكم
تاخدوا كام
علشان أعيش بسلام
وتبطلوا تزرعوا فيا غلكم
وترحموني من مكركم
تاخدوا كام
و تزرعولي ورد بالصفوف
و تشيلوا شوككم من الكفوف
و أبطل أحس بأي خوف
تاخدوا كام
و تسيبوني لوحدي أمشي
قبل ما يشلني نعشي
وتشيعوني بالدموع
تاخدوكام
وتحسسوني بالأمان في حضنكم
بقيت حياتي بليه وكام
سبوني أمشي بسلام
كفايه قلبي تعب كلام
تاخدوا كام
وترحموني من ظنوني
وعيوني تعرف تنام
وحس بطعم الابتسام
كل حاجة بقت بليه وكام
#أمل عبدالله
ليست هناك تعليقات:
إرسال تعليق