للكاتب / تامر المأمور
اصحى قوم كفاية نوم
دانا عيني مبتشوفش النوم
ضرب وحرب ونار كل ساعة وكل يوم
قوم بقي كفاية نوم
ابني مات ومراتي ماتت و أختي ماتت
كل عيلتي راحت خلاص إنت إيه مفيش إحساس
اصحى بقى والله العظيم انا عربي يا مجنون
يا ضمير مات وتحلل من كتر النوم
( الرد )
.......قولي أعملك إيه.........
أقولك
اُصرخ وخلي العالم كله يسمع صرختك
يمكن يحس بيك ويقدر محنتك
ويمكن يعمل ودانه من طين ولا يسمع شكوتك
ساعتها ممكن أقف جانبك و أبكى مع حضرتك
أصل الحكايه عندهم حادثة والسلام
أكبر مافيهم خطيب يطلع يقول فى حقك حبة كلام
إيه يعني تخسر فى لحظة أسرتك
مش ذنبنا ده شيئ ومكتوب عليهم و ارضى بحكم ربنا
وشد اللحاف ونام إشمعن إنت اللي صاحي من وسطهم ياعم روح و ارجع لأصلك زيهم وشد اللحاف ونام جانبهم مش إنت عربي حضرتك
بعد إذنك سبني انام ما أنا بردو واحد منهم
شوف حد صاحي يمكن تكون دي فرصتك
تصبح على خير ويريت ماشوفش تاني حضرتك..... الكاتب تامر المأمور.....
ليست هناك تعليقات:
إرسال تعليق