...ستي...
الدني برا ع متشتي كتير...
والبرد اجا السني بكير...
وانا مشتاق يا ستي...
تغمريني وتحبيني كتير...
تلمسي شعري وتقولي
نام يا عمري بكير...
بكرا بتكبر وبتصير رجال
واللي بدك ياه بيصير...
وانا احلم واحلم تغفى
عيني ومن الفرحة طير...
شوف الدني كلا ورد ونبعة
مي وغناني عصافير...
أتخيل إني رح أملك الكون
بكرا بس صير كبير...
وتركتيني يا ستي وبكيت
يا ستي خاني التعبير...
لوين يا ام علي؟؟بعد بكير...
لوين مفارقة؟؟بعدني زغير...
تركتي بيتك عم يبكي ع غيابك...
تركتي تيابك ناطرينك ع السرير...
يا ستي من يوم اللي رحتي
عرفت شو يعني فقير...
عرفت انو الحنية غنى
وفرحة وحضنك رباني أمير..
يا ستي يا ريت بترجعي
او يا ريت برجع ولد زغير...
...محمد غادر...
ليست هناك تعليقات:
إرسال تعليق