بحالة غضب ..
-------------
شو بعشقك لحظة غضب
من غير حكي بتّمتِمي
و بتشرحي - و وجهك شحَبْ
بكلّ الحروف تتلـعثِـمي
الورد بخدودك صار لهبْ
و بَلَعتي ريقِك - تنهَمي
و تتبعثري من غير سبب
ما عاد فيــكِ تــمّمي
يعني الزَّعل عندك ضَرَبْ
و عتبتي -
ما بتفَهِّمي
و بطاوعك و بلاوعك
و أقلـدك
مثلك أَبَـعبع
ياللي أسلوبك - عَجَبْ
تجـِنّي ...
و تـيجيني
بالأيدين تهَمهِمي
حُطّـكْ بحضني
و ضحكتك خجلى و قهر
من قلبك روحك
تضحكي
يـا تِـسلمي
يا تؤبشي ضلوعي
اغضبي
و اتبسّمي ...
---- خضر الفقهاء ----
ليست هناك تعليقات:
إرسال تعليق