في يوم .... و مرة بالعمر
فكرت بالي صار
تركت الضنا
و عفت العنا
سرقت السعادة نهار
جنِّيت ...
و قلت بلا وعي
عبي المرج أنهار
مرة عمليها بهالعمر
و رشي الدرب بقمار
خليكي يا بنت اسمعي
و تدرجي و لا تسرعي
هو العمر مشوار
لكن على دراج الهوى
هب الهوى و كنا سوا
و شال الحريري طار
قلي اسمعي
لا تفزعي
إيدي إلك زنار
لما بحضنه لمني
غفيت بحلم
من غير حلم
و بقلبي شعلت نار
غيمة سحر
كرجت كرج
و بغفلة الأقدار
لما العوازل شرفوا
قالوا إلك زوار
حطيت إيدي عالقلب
قلت القلب جبار
يا ناس خليكن معي
و أعطوني الأعذار
بلكي بعذر
أمحي الغدر
و أتجاهل الي صار
و نرجع سوا
نعيش الهوى
و نكمل المشوار
#جميلة_نيال
ليست هناك تعليقات:
إرسال تعليق