حواريــة
-----------
Feelingz Heart
ما احلى الضعف
اللي يقوي جناح محبوب
يزيد العاشق بالعاشق لهفة و رغوب
- خضر الفقهاء -
( ياسمينة الشام )
لا تصدق إنو الضعف
يزيد اللهفة
الضعف بيتلون گنو
حية بفنجان
Feelingz Heart
ضعف بطاعة و حنية
مو ضعف بكيــد
بتقوى الروح و تتهنــى
و تعمر أحضان
( ياسمينة الشام )
لو كان القصة قصة حنية و بس
تلاقي الدنيا بتتحول
تعمر يا فلان
Feelingz Heart
أصل الحب بحنية يا الصبية
ضعفك صاير لي قوة و عامل جنحان
ما كان الحب بفرشة و هيصة و دوشة
بين الواجب و الحب العشق بينهان
( ياسمينة الشام )
لو مني ضعف تلاقي
محبين كتار
برص صفوفن عالماشي
و بمسك خيطان
ما بخلي منهن عاقل
كلو بجنان
Feelingz Heart
هيدا العشق اللي بيعمر
من حِن و جن
و ما في عاشق - يا حلوة
عقله رجحان
( ياسمينة الشام )
لو كان العشق بيعمر كلو بجنان
كان المجنون بليلى
عمر أوطان
Feelingz Heart
مجنون بليلى داير يشرح و ينوح
و متلذذ مع حرمانه و عامل ولهان
( ياسمينة الشام )
نيالو شو عا بالو
عايش خسران
يغني أوف و عتابا
يرندح ولهان
Feelingz Heart
عاشق مجنون بهبله و حولة و حولان
تاهت منه ببغداد - شو جابه لحوران ؟؟!!
-- خضر الفقهاء --
-- جميلة نيال --
-- خضر الفقهاء --
-- جميلة نيال --
ليست هناك تعليقات:
إرسال تعليق