ثلج و سيارة
................
ثلج و برد و سيارة تعطل و تحيد
لكرم التفاح و توقف و الثلج يزيد
من بين الثلج الأبيض يتهادى عيد
قالت حوّل و تفضّل تحلف و تعيد
أهلا و سهلا بزوار الـ جونا من بعيد
قهوة و عيون و بسمة و صوت بتغريد
أسرق نظرات بخلسة و علّي التنهيد
هالغادة سلبت قلب و نيرانه تقيد
و صارت بالهمس تبوح و تحكي بتجريد
يا ويلي لما إيدي بتلمس لها إيد
موج في بحرها يطوحني و البحر يميد
عيوني تقول و عم تحكي بصمت و تحديد
خايف أنطق شي كلمة اتلعثم - ما بريد
نصير حكاية بضيعتها و ننوي مواعيد
لكن لهفة بعينيها تبرق و تشيد
احبال الود و ترميني فيها بتعميد
خلّت هالثلج حكاية و صار التسهيد
رفيق الليل يعنيني و البُعـد يكيد
ريت الثلج تمَرجحنا و الدرب سديد
لأبقى عمرين بقربك نعشق و نعيــد
--- خضر الفقهاء ---
ليست هناك تعليقات:
إرسال تعليق