هيّ و أنا و فنجان
و قلوب ع الأُلفـةْ
بخبّرها بحكايات
و تحكي بوَمى و تِخفي
أنا ///
عم مزمز بأهوة
و ما بتخلص الرشفة
و بعيونك الإحساس
يسكر بكل شَفـــة
هيّ ---
خايفة إذا تسكر ما تكمل المشوار
وتتـوه بالأشواق ما عاد بتكفّي
//// هِفّي و دوئي و حركي الوجدان
لو ضيع فيك - بتمسكي الدفـــة
عم تسكريني
و تَـكتَـك الفنجان
صابُـه لهـالشِّفات كم هَـــفّــه
---- مو قلنا تكة بنشرب و تكة
رشفة بصبابة و متعـة و بلهفـه
خوفي أنا لــو طَــوَّل الفنجان
يتشردق بنارك
و أنا انتهي بـ سَفّــة
//// تِكّي
فؤادي تَــك
ما عاد صبري يهتدي لرأفــه
---- ما فيني
و الله - بطُب
يمكن دوخ
و الروح ملتِـهفـه
//// نار و مِشِتْ بضلوع
لا تقولي هــاي نهفــه
دوخي و معاك بدوخ
بحطك معي بكــفــه
----- لبَّــكتني
/// شو لبَّــكك يا ملَّــبكة بحيران
فنجان أهوة و صابتك رفَـــه
تعي نشربه بلهفـه و وله و نشوف
بلكي بهنــانا نحتفي نتــفــــه ...
---- خضر الفقهاء ----
ليست هناك تعليقات:
إرسال تعليق