مجاراة شعرية (( عامية. )) بين الشاعر ( خضر الفقهاء ) و ( جميلة نيال )
✴ Feelingz heart ✴
عند الصبح
..............
عند الصبح شُفتا مع الوردات
تعبق غزل و تعيـد كِلماتي
بترمي بطرف العين تصبيحة
تملا ببسمة شوق كاساتي
يمكن تكون بتـعشق من جديد
رجعت بقلب الريم لهفة لِـ حَكياتي
فيها الأماني كثــار و حلمي كبير
طيـر الـقلب رفــرف بـفيَّــاتي
و تنهَّدتْ ،،
بتـقول يا مجنون
و بتتِّـكي ما بين ديّاتي
لـ نتوه ع جناب الزّمن لسنين
اتمرجحي بأوتار دقّــاتي
نبضي و شهيقي و زفرتي مراسيل
و بتسكني يا فرحتي ذاتي
الله
لك جننتيني
نحن انخلقنــا بــالجنــان تــوام
لـَ نـلتـقي بـعتـمــات مـجنـونـة
روحـي بروحك تنشد النشوات
ممنــون أبقى و أنــتِ ممنـونة
عم ترتخي و ما من صدر مليان
حانــي تبــاتي فــيه - مأمــونة
بـاتي بجفوني و غلّقي الأبواب
روحـي أنا هَلــ فـيــك مفتـــونة
-----
خفي علي شوي
يا ريت فيني خف
حملي شو صار ثقيل
يالله
يالله
عـم أشربـك و الكاس عـم تسكر
يا إسكري و خلي الهوى سكران
يـا إمّـا - ذنــب - كتيــر أتـمــرمر
في خمرتــك صايــر أنــا غرقــان
و روحي بهمس الـرّوح عم تكبر
يا امــا تلاقيــني بتــالِـت كـاس
يا امـا اشتكى ألبي ملا الدفتر
---- خضر الفقهاء ----
____________________________________
✴عزف القوافي✴
يا ويلي من هاك العمر
لحظات و بتسكب جمر
جنون بدفاتر تنكتب
و اقلام عباها القهر
ياما كتبت
ياما رسمت
ياما على عتاب العمر
عديت نجمات السما
طلعوا سبع نجمات
نجمة تحاكيني غدر
و وحدة تحاكيني قهر
وحدة تمرجحني بهوى
و أنا ...مالي حمل الهوى
رح خلي نجماتي سوى
يغنوا مواويل الهنا
و يلا...بيمشي هالعمر
مرة بسكرات الدني
جنيت
حكيت بلا وعي
بحلم عدّا
مرة و مَرَق
عمري و سرق
ضحكات روح ملبكة
كتبت على حفاف العمر
غيمة سحر
شتت سحر
لكن و لما بالغدر
أسمع قصص تكرج كرج
و الله يا محلاه البعد
خلي القلب
من دون هوى
و عيش بسعادة بلا هوى
طير و على غصني شدا
برِد الحكي من غير حكي
و خليه يمضي هالعمر
لما الوعي و اللا وعي
يتحكموا
و بيكتبوا
قصة حلم من غير وعي
و يلا ... بيمشي هالعمر
و خلي الي يغرق بالهنا
يسكر ، يعلي بالغنا
أما أنا بغني لوحدي بدندنا
بسرح مع خيال الجنا
و خلي الدني
تجن الدني
و تولع بكاسات السكر
و ع موالي بسكر انا
و يلا بيمرق هالعمر
-- جميلة نيال --
_______________________________
✴ Feelingz heart ✴
مهما تعتّر و انبلا
ذاق المواجع و البلا
بيرجع يعاند هالعمر
و يخوض مضمار القهر
سنّة حياة
بالجد و بنوبة غدر
بالخير و الخدعة نهر
صابرين ليمر العمر
-- خضر الفقهاء --
_________________________________
✴ عزف القوافي ✴
صابرين
و مر الصبر
يسكب ملا العمر القهر
يمكن بيوم يضحك لنا
او نبقى ساكنين بعنا
طيف و يمر
رحلة تمر
عمر و سكايب بالعمر
-- جميلة نيال --
_________________________________
✴ Feelingz heart ✴
كنا صغار
كان الزمان غير الزمن
كان الطموح أغلى ثمن
فات العمر أبواب من ضنك و ضجر
و تعنّتْ الأرواح من طول السفر
و تغرّبت نفسي أنا عني أنا
و وقف ع تلال المنى
ظهري انحنى
و ما زال يشلحني العمر
ساعة لضياع
ساعة لقهر
و الصبر قاسى لوعتي
ما عاد يقوى ع جروحي صبر
هيّ الحياة - من صغرنا
بهالحال - لنفوت بقبـر ..
--- خضر الفقهاء ---
________________________________
✴ عزف القوافي ✴
قولك إذا مرة العمر
صافح بإيدو هالجمر
عدا على طي الزمن
سكن برواح غلّاها الزمن
يقدر يعدي بالهدى ؟
ولا بيكبر بالهدى ؟
عمر يفنا
و ضهر يحنا
و سفر طال العمر بسكر
علق على طيافه الورد
-- جميلة نيال --
_________________________________
✴ Feelingz heart ✴
شو يفيد لو علق ورد
و احنا على ابواب اللحد
كل العمر عم نزرعه
حظينا بأشواك الكرم
و اهل النصيب بيقلعوا
و لما الجروح تنهنهت
و اللحد عيَّن موضعه
يحطوا على اللحد الورد
و القلب محروم السعد
و اللي بتعبنا تمتّعوا
انشغلوا و عنا تمنّعوا
تركوا الزمان يسوقنا
و فوق الورود تربّعوا
قولك - عدالة من السما ؟؟
قولك - ضماير يسمعوا
لكن عزانا إننا
زرعنا
عساهم يزرعوا
--- خضر الفقهاء ---
_________________________________
✴ عزف القوافي ✴
ورود العمر
تزرعها و تسقيها بهنا
لكن اذا نسيتها دهر
و بعدتها
و قطعت عنها هـ النهر
أشواك حتلاقي طريق
تبني قصور حول الزهر
يمكن جراح تنهنهت
و يمكن كفن بـ نخيطه
لكن أمل
نزرع بأرض من الهنا
حلم يحلى
لنكمل العمر بسحر
نرسم ملامح تلونت
بإيد الصبية الـ فتحت
ورودها و يا محلى هالعمر
جنون و يصيب
عقل بجناو يا عالم
بسهامو تصيب
و لا يخيب فيه الرجا
-- جميلة نيال --
______________________________
ليست هناك تعليقات:
إرسال تعليق