رح بنطرك ،، - للشاعر / خضر الفقهاء

رح بنطرك ..
.................

بالكرم بدي انطرك
تيجي تلاقيني
رح غافلك
و بفاجئك
خافي و ضميني
يا تسلمي ببسمة خجل
عينيك بعيوني
و بغمرة الشوق و الآمل
أنفاسك جنوني
تغلب على خفق القلب
لما بهنـا تكوني
أوااه ما احلاها
صدفة بهالحالات
تمنح طيورك حب
شو تحبي و تموني
بيشتلقو بعض الناس
أترك أيديكِ شوي
و تقولي بدي روح
بغصون زيتوني

لو تقدري - لفّي
قنعان بهالنتفة
و اتخبي بالتينات
أو شوفي ليموني
** لا لا بلا مزحات
أهلي على الطرقات
ريتِـك مدى الأيام
بالحقل تلقيني
** خليني اتنكر
و اجيلك اتمختر
و تتمايلي بخفة
و الشهد تسقيني
و اخطف من الشفات
7 و 8 بوسات
من لهفتي - و انت
فوقها تزيديني
** ليش 7 بس؟
لو فيك
تقدر تهديني
خايف تقولي مدللي طماع
لو قلت لك 100- منحتيني
أو تبخلي بـ 200 - للتوفير
يمكن بتاني نهار تعطيني
** كله وفا وديون
و أنا قلبي صار ممنون
شو عندك اعطيني
دخلك - لتغفى العين
و تتغيَّب الأنفاس
دين الهوى و الحب
تبقى بتوفيني
** بوفي - و تاني يوم
بالفايدة رح جود
و سدد لك ديوني
بضمك عقلبي و زيد
بحرارة التنهيد
إملا لي منك كاس
و بحبك ارويني
--- خضر الفقهاء ---