لما النغم بيجن
.......................
طالع عبالي قول
لحن و نغم معقول
يحرِّك سحر العقول
و يطرب قلب معلول
و أغرق بكاس البن
لما النغم بـ يحن
يا عمر يا دوار
يلي حرقت الدَّار
بعّدت هـ الأحباب
و شو عِلْيِت الّغْبَارْ
ضاعت حروف كتار
سالت دموع انهار
و أتذكر الِّي صار
و أغرق بكاس البن
لما النغم بـ يحن
يا ليل يا مقهور
يلي تركت نجوم
تصفّ الهنا بـ بحور
تغفى بحضن حِبي
يلي سكن جمبي
يطوي القهر و الآه
و نغني بالموال
و نغرق بكاس البن
لما النغم بـ يحن
يا وعد يا مجروح
عَزِّتْ علَيّ الروح
يا بنِّي لمَّا صار
بسفل فنجان محتار
صارالشجن يحكي
قصتنا مغتربة
يغني السعادة بحال
و يطَوِّل الموَّال
و أغرق بكاس البن
لما النغم بـ يجن
كان الهنا عنَّا
ميجانا و معنّا
اختار البعد عنّا
و بفراقه لوَّعنا
جَرَّب يطِير بعيد
يغني لَوَعد جديد
و لما الأمل بـ يخيب
جرّب رجع عنّا
يغرق بكاس البن
لما النغم عَنَّا
طيب يا قلبي كتير
خبرني شو بيصير
لما الحبيب يغيب
يجني فرح لِغريب
يغرد لحن مسموع
و ببعادو يقهرنا
و يغرق بكاس البن
لما النغم جنّه
-- جميلة نيال --
ليست هناك تعليقات:
إرسال تعليق