................الأولا قدساه...................
هواكي يا غاليه بتشمه أنفاسي
بشم ريحه البارود بيعدي فوق راسي
فرقت مابينا الحدود
ماخلاص مماتو الجدود وفقدت إحساسي
أنا عشت فيك يا وطن ميت و انا ناسي
..........ً...........الأولا قدساه.............
................هنعيش ونتعلم................
من طفل وسط الحجاره موجوع بيتألم
لا سمعنا يوم صرخته ولا قلبنا اتكلم
من أم فقدت ضناها
والعجز دغدغ صباها
على وشها معلم
من أب شاف سكته
طالع بجيب لقمته
فجأه النهار ضلم
قلولي يا اهل اللغه
عربي بيتكلم
ميهمهوش خوفه
شوفو الكلام و اسمعو
واتأملو حروفه
قال يعني إيه اعتصم
يالله بحبل الله
سبنا الحبال كلها
والكل ضل وتاه
ولا عدنا نسمع وطن
ولا حتي وا قدساه
تهنا ف سكتنا
شغلتنا لقمتنا
ونسينا إن اللمه
راح تبقي عزوه وجاه
.دخلو في أحلامنا
نسونا إيمٰنا
خلو الفقير مننا
بيقول يا أهل الله
أنا قولت نفسي فـ وطن يقولنا نقوله
منعشي غربتنا ونتوه فـ سكتنا واحنا هنا فـ ضله
هنده وقول يا وطن لحد ما اوصله
..............و أقوله يسمعني.........
كل الضلوع اشتكت ألمك بيوجعني
أنا نفسي منك فـ عهد ارجوك لتوعدني
من غربتي ف نفسي عاوزك ترجعني
..............عاوزك ترجعني ..........
بقلم سالم أبو موج
مصري عاشق لفلسطين
ليست هناك تعليقات:
إرسال تعليق