بغيابك
ضاعت كلماتي
تاهت بالساعة أوقاتي
و يا حسرة كترت نهداتي
و عالتكة فاقت حسراتي
فين مخباية الكلمات
بأيّا ضَيعَة
بأيّا بلاد
يا غيمة الجاي من بعيد
دخلك وديلو كتاباتي
قوليلو قلبي ولهان
و عقلي صابو مَس جنان
يمكن عم ينسا دقاته
يمكن بيهلوس ضجران
يا طير الطاير لبعيد
رفرف بجناحاتك طير
علّي عسطوح الجيران
و شفلي وين هو غفيان
ولا سارح بأي مكان
قلو بالساحة يستنا
يجبلي العقد
و بإيدو الحنة
يلبسني المحبس منقوش
بإسمو و إسمي
و حفلة حنة
للصبح السهرية تطول
مافي بينا أي عزول
يا طير الطاير لبعيد
لا تنسا مرسالي
أكيد....
-- جميلة نيال --
ليست هناك تعليقات:
إرسال تعليق