أهلا بهالطلة
قاعد شوفي ع بالك فايق بكير
تهندس و ترستئ حالك و تصف حروف
أهلا بهالطلة و سهلا
خلي الأطياف تجن
و تهذِي بأحوالا و تدق دفوف
يا حلمي الشغلة كبيرة ... عصفوري صغير
يادوبو يرف يعَلِّي و بالساحة يطوف
الباين ريشاته طاروا
صاروا باي باي
يغني
و البحة بصوته بتغني بأوووف
دنيا غدارة كتير
بتمشي مقلوب
بتكسر جنح العصفور ة و تزيدا خوف
لما الصبح بورداته يصبّح بكير
بضيعتنا يجنوا العالم
و يدقوا كفوف
جربنا الدنيا مرّة
علقم مرّة
قلنا بشي يوم بتصفى تبعد هالخوف
خلتنا بحلم نهدّي
و ما بتهدّي
و يا ريتا مرة تهدّي تعبّي الكفوف
يا دنيا حني علينا لا تخلينا
نضيع بحسرة أمانينا و نبقى بخسوف
خلينا نسرق فرحة لو شي مرة
ننسى هم الراكبنا نحطو ع رفوف
-- جميلة
نيال --
ليست هناك تعليقات:
إرسال تعليق