إركع و إدفـع
...............
من قوت أولادي أشيل و أدفع
و حكومة تشيل فينا و ترقع
أموال الشعب المنهوبة
إيد السلطات عنها بتُـمنع
السارق بأمان و راحة
مبسوط و أولاده بترتع
و الشعب الغافل له الله
تبرير و تزييف بيسمع
لا شافع للشعب ولاءه
لا صبر و حرمان بيشفع
ما عاد الحال يراعينا
و لا سامح لو وجبة نشبع
بحبشتوا جيوب و فتّشتوا
بالعُبّ و جرجرتوا مشلّع
ما ظلّ مخبّى - اهلكتونا
و الدين اتلتل و تربّع
قانون و غايب عن عايب
عن هارب و الحال تصدّع
حلّوا و سيبونا بحسرتنا
سنتين و نتحدّى - بنرجع
للعيشة بخير و نتناول
خاين لملم ثروة و قبّـع
إحنا القانون و رايتنا
للعدل الهامات بتركع ..
-- خضر الفقهاء --
ليست هناك تعليقات:
إرسال تعليق