عايز أقول
............
عايز أقول لأهل الدلاسة
انهم - شلّة عقارب
و ان جيشنا في كل حتّه
صار مُغرر بُه و غايب
و لخططهم ضد أهله
سخّروه
و ظلم القرايب
و ان تجار الأذيّة
محصنين بأعلى المناصب
أغرقوا الشعب بخيانة
جلابين قهر و مصايب
مفترين كايدين دواهي
خوّافين من فكر صائب
حُكمهم إعدام لعالِـم
قام لحقّ غيران و صاحب
عايز أقول كلمة بصراحة
و انتو شاهدين ع الثعالب
قتّـلوا أولادكم عياناً
و افتروا و عملوا المقالب
زجّوا في سجونهم رجالكم
و اللي قام ينصح حبايب
يتهموه بإرهاب و يبقى
خاين الأوطان و عايب
همّ عايزينكم رعايا
بعضكم بعضه يحارب
تحت سيف ذل و مهانة
و تحت دين عالى و ضرايب
متقوموش من نار همومه
و ما تلاقوش لخلاص مَراكب
ألا لما الدور يفوتكم
و يغنى نذل
و ينجو ناهب
ثم يتنازلوا بخيانة
عن بلادنا لحكم غاصب ،
ليس إلا الوعي سيفاً ،، باتراً كيداً لناصب
فانهجوا بالرشد درباً ،، فيه أمر الله غالب
--- خضر الفقهاء ---
ليست هناك تعليقات:
إرسال تعليق