قال الغراب
................
فرض الضرايب يا حبايب صنعتي
لو شعبي ميّت من عذابي - دي مهمتي
إيه فايدة الطب و الدوا و أنا جبت ليكو هديّتي
طول ما انت ساكتْ تنضرب - مهي دي الفراسة بخطّتي
شَمّ الهوا و خطوة قدم محظورة في غير طاعتي
و الإنبساط
نوم ع البلاط
نعمة احفظوها لـ حضرتي
أما النجوم لو جت تقوم و تنور فـ يوم دولتي
هـ اعمل ضريبة بحقّها
و بحق عين بصّت لها - تُهمتها انكار العمى
و ما تقيدتش بسلطتي
شفتُ الحنان اللي انتشر من لما صرتوا رعيّتي !؟؟
من غير زعل يا عزوتي
إرهاب
مؤامرات و خيانة
إن حد قال ( يا لهــوتي ) ...
--- خضر الفقهاء --
ليست هناك تعليقات:
إرسال تعليق