الجزاء الأول من
دموع على سلم الطائرة
{ فى إيديها صورة}
راجعة وفى إيديها صورة
قبل مايبكى ......القدر
وبتقولى أنا العصفورة
وشايفك أغلى البشر.
¤¤¤¤¤¤¤¤¤¤¤¤¤¤¤¤¤¤¤¤¤¤
لا سألت نفسهاعن قلبى
اللى يوميها إتحطم وإنكسر
ولاحسبت وقتها إنى بحبها
وكتير صونت هواها
فى الغربة والسفر
¤¤¤¤¤¤¤¤¤¤¤¤¤¤¤¤¤¤¤¤¤¤
علشان بس أصون الحب والعهود
قولت الغربة تهون
ولعيونها مسيرى أعود
شوفت عيونها بتبكى
وفى إيدى التذكرة
من ألم الفراق بتشكى
سارحة ومتحيرة
كبرت يومها فى عينى
لما بقت تواسينى
وعلى نفسى تواصينى
وتقولى ياضى ياعينى
هبعتلك كل يوم
جواب مع القمر
¤¤¤¤¤¤¤¤¤¤¤¤¤¤¤¤¤¤¤¤¤¤
كان وداع حقيقى
ومكنتش فى لحظة منتظر
تلبس هية دبلة صديقى
وع الخطبة أوام كدة
يعزمنى أنا القدر
¤¤¤¤¤¤¤¤¤¤¤¤¤¤¤¤¤¤¤¤¤¤
الجزاء الأول من
دموع على سلم الطائرة
{ فى إيديها صورة}
بقلم الشاعر السيد أنور إبراهيم
وإلى اللقاء مع الجزاء الثانى
ليست هناك تعليقات:
إرسال تعليق