الجزء الثانى من
دموع على سلم الطائرة
{{ دعوة زفاف}}
ست الصبايا فارقتنى
قالت أسفة وغدرتنى
لبست خلاص دبلة صديقى
وبعتتلى دعوة وعزمتنى
_______________________
حسيت ساعتها إنى مسموم
قلبى وفؤادى آه مقسوم
والسما غابت منها النجوم
وأصرخ وأنادى من الهموم
يارب لية خدعتنى
_______________________
فضلت أكتر من شهرين
أضحك لكن قلبى سجين
وأصحابى فى الغربة يقولوا
فين ضحكتك الحلوه فين
_______________________
رجعت أكتب للوجع
وأسال كمان رمل الودع
والعرافة تقول مسكين
قلبك بية طعنة سكين
واللى طعنة ناس غالين
_______________________
وأعود تانى لحضن الأم
أبوس ترابها وعلى صدرى أضم
أشوف الطيور ع العشوش
وأشم الطيبة فى الو شوش
وع النيل أقف لكن وحيد
ولموجو أسأل من بعيد
لية البشر لبسين وشوش
والكدب لية مالى النفوس
_________________________
كنت أتمنى بكل حنين
إنى أكون علاء الدين
علشان بس ست الحلوين
كان يلزمنى بجد فانوس
أطلب ويقولى أمين
قول محتاج قد أية فلوس
الجزء الثانى من
دموع على سلم الطائرة
{{ دعوة زفاف }} بقلم الشاعر
السيد أنور إبراهيم محمد
ليست هناك تعليقات:
إرسال تعليق