من الآخــر
=====
من الآخر غرامك روحه فارض
جاوب قلبى نفسه للهوى عارض
جه شوقك موجهني وانا شارد
حكم حبك على جناح العشق فارد
وحبي ده مش لعبه
لا كلام هيام ومداعبه
مش خاطره جابت فكره
تزول بزوال أثر سكره
وانا الدايب يجرفنى التيار اروح سايب
سايب روحى تطوف عندك وان اتعايب
أسلم لدوامتك روحي غريق
تلتهمني نار ألف حريق
لكن عارفة إية الطرفة
إنك حتى ما حاسة
كل يوم اقول خلاص
تردى بنظرة لا لسة
لو عارفة دى مجرد اللمسة
بس انتى اة لو عارفه
على كدة كل أيامى معديه
يزيد عطش زهرة ما مرويه
أتمنى حتى لو همسه
وأحضاني بيك مدفيه
من الآخر ده قلب بالغرام زاخر
جالة شوق قال لراحة البال اتاخر
بقلم الشاعر / حاتم صلاح انور
ليست هناك تعليقات:
إرسال تعليق