"مش فارقة"
ولا فارقة الشمس بعد الغروب شارقة
ولا فارقة ببحرك الثكالى هامدة وغرقة
لكن مش كدة حالي
مش باكي على موالي
صحيح ماشفت زيك جمال
صحيح هنا عنوان الدلال
لكن أنا مش غاوي
ولا بغني فيكي غناوي
مشغول بيكي كم عاشق
داقو السهر وعذاب السنين
لكن أنا مش غاوي
على غرامك ولا ناوي
مهتمة ليه بس بأمري
يا صاحبة البشرة الخمري
صحيح عيونك دباحين
رباني كدة متكحلين
لكن أنا مش غاوي
أنجرح وأرجع أداوي
تشغليني ولا أنشغل
تسحريني ما بنسحر
حتى القمر إن اكتمل
أشوفك فيه لا يحتمل
مش هأقول حبك أمل
أو إن جرحي يندمل
لكن إعرفي واتصرفي
أحبك أنا مافيش أمل
لو حتى بمليون عمل
أحبك أنا مافيش أمل
بقلم الشاعر / حاتم صلاح انور
ليست هناك تعليقات:
إرسال تعليق