حكايات (عامية)
*******
معايا تلت حكايات
لتلت بنات مليانه آهات
وخوف من بكرة ومن اللي فات
آها من دنيا جرّاحه أخدت منهم الراحة
وسقتهم المر كاسات
و آها من خلايق زرعتلهم شوك في الطريق
وحطمت حتى حلمهم البريء
وآها من سنين مفيهاش حنين
سبتهم وسط همهم غرقنين
يروحو فين أو لمين
هيفضلو جوا همومهم مدفونين
وآها حكايات لتلت بنات
مليانه آهات وخوف وأنين
استجدو بدنيا فانيه وبانيين
لا حد سمع و لا حد جاوب المحرومين
سبوهم يشكو و يحكو و في النهايه
هما برده متلامين
ماهم بنات من غير سند
يا بشر ما تفهموا بتلوموا مين
لوموا نفسكم على جهلكم
على قساوة قلبكم
على فقر في الحنين
ودي حكاية تلت بنات
شبعوا قسوة و تعب
بس طلعوا حنينين
طب وهندسة ومدرسة
وبرضو لسه طيبين
مرضعوش قساوة طبعكم
وهيعلموكم تكونوا بنآدمين
حكاية تلت بنات
مليانه آهات وخوف وأنين#امل عبدالله
ليست هناك تعليقات:
إرسال تعليق