قصة ورقة وقلم ..
**********------
إن كنت أنا الورق فأنت القلم
من فينا المظلوم ومين اللي انظلم
حفرت الوجع على سطوري من غير ندم
نقشت حروفك حرف حرف بمنتهي الألم
وحبر محبرتك كانت دموعي مخلوطة بدم
إبتديت تدوس وتحفر ونسيت إني ورق
رقيق مابيتحمل حفر ولا للهم انخلق
حروفك أوجاع وأنا للصبر بالهم
عمرك ما تنسى إني منك وانت عشاني تتخلق
بس كنت غلطانه أوي ونسيت انك قلم
من الخشب اتصنع منين قلبك يحن
حاولت لحفرك أتحمل و أقول مش هيقدر يتم
وهتيجي كلمه وسط الكلام تحسسه إني كده بنهدم
و إنه ملاني شخبطه لما بقيت متلخبطة
شكلي بقا من غير معالم متضبطة
حروف على السطور متنسقة
وحروف كتير متبعترة مشخبطة
ولأنك الوحيد اللي كتبت افتكرت
إنك كدة سيطرت وسبتني لأول شويت هوا
نسيت إني ضعيفة أوي وممكن من حفرك أتجرح
طرت منك مع الهوا وخلاص عمرنا ما هنكون سوا
لأنك نسيت ف عز قوتك إني أنا بنظلم
ونقشت حروفك بمنتهي الألم
بس خلاص أنا بكتب نهايه قصتك
نزلت كلمه النهاية مع آخر جرح لحضرتك……………
بقلم // أمل عبدالله
ليست هناك تعليقات:
إرسال تعليق