ضبط و إحضار
..
أنده ع الحزن اللى فدمعك
يستدعى الجرح اللى بصدرك
يبعت للفرح اللى بعمرك
يحضر تلاتتهم بالقوة
....
وسكر على نفسك باب نفسك
لملم كراريسك و محابرك
والضم خيط حبرك بمشاعرك
شخبط على روحك من جوا
...
سيطر ع الفكرة و ظبطها
لو فلتت حاول ثبتها
ارسم لها تاتوه و دلعها
نَكر لها لبسك واتموه
قوم واتمرد حاول عادي
يصرخ قلمك تحيا بلادي
يوصف محلاها النخلة دي
أو يتغزل فى بنات حوا
..
بقلم
#بهاء_اللبودى
ليست هناك تعليقات:
إرسال تعليق