💰الفلوس
💰💰ه💰💰
الفلوس الفلوس
كل شئ بقى بالفلوس
تشتري بيها ضمير
تشتري بيها نفوس
تشتري بيها أحلام
تبيعها للناس في المنام
وهي
في الحقيقه كابوس
💰💰💰ه💰💰💰
الفلوس
علشانها ناس بتشقى
بقت قصب ممصوص
وناس غيرها في نعيمها
علشان لصوص
بالفلوس
واحد يدلعك
والتاني إيديك يبوس
💰💰💰ه💰💰💰
الفلوس
حقيقه مره
عليها دوس
لا يوم هتغنيك
من الحساب
ولا ترفع عنك
لحظة عذاب
وهم وبيسري
زي السوس
💰💰💰💰ه💰💰
سيدنا النبي كان فقير
لكن مقامه كتير كبير
وكان بيعطف ع الفقير
ويكرم الناس
لو كانوا مجوس
اسمع كلامي عن الفلوس
دي ياما يا صاحبي
اتقال فيها دروس
ناس مريضه بحبها
وناس بتعشقها من قلبها
وهي جن وكمان ملموس
💰💰💰💰💰💰💰💰💰💰💰💰💰💰💰💰💰💰💰💰💰💰
بقلم الكاتب سامح محمد حسن حراز
💰💰💰💰💰💰💰💰💰💰💰💰💰💰💰💰💰💰💰💰💰💰
ليست هناك تعليقات:
إرسال تعليق