ياطالع لجبل...بقلم محمد لمراحلي...مجلة كلام من القلب

يا الطالع ل جبل
احضي راسك لتمشي تعثر
اللي كيرقص ع لحبل
ويمشي المشية ب الشبر
عمرو ما يوصل
خلليك بهلوان باللباس ب الفعل
آش داك ل عش النسر
اشحال من واحد اقبل منك
امشى ؤ طل
يحسابليه غادي يلقى الزهر
ساعة القى الزمر
ؤ تما اوحل
دير ؤ بقي
الفيرمة عامرة ابگر
ؤ داكشي اللي ف الارض
ماشي عنبر
خلليك مع الدرويش لمهلهل
راه ربي امعاه كيستر
حرف مع حرف
انكونو كلمة
والكلمة تعطينا جملة
والديوان الى اكمل
ساهل نلقاو ليه عنوان
والقاري يتهنى ؤ يظفر
بقلم محمد لمراحلي
فاس