عامل عملة ... بقلم بهاء اللبودى

 

"عامل عملة"
 

دكر القط قليل الاصل
آكل شارب ناكر الفضل
فرد منيفر وُلّد سوابق
وغية شر .

يشِبّ و يكبر قبل ما يُنفر
ويزعل عينه تطق شرار
ولبيته يهجر رزقة يبعتر
ولاا ليه بر
يفضل عمره يعافر جرحه
وناوى سفر
عامل عمّله مصاحب شلة
ناوى على سرقة
نفسه مجامله
دكر القطِ دا ناكر فضل
لئييم فَشاّار
...
فجأه يطل بدون انذار
طالع نازل شاغل الدار
سايح سارح قول منشار
ينعم يلعب يطفح يشرب
مع للصغار
ويرجع يُمّكر يعمل أهبل
يجى يستهبل
عينه دبوس على نوب للعيال
بِربش خِربش اخطف و انتش
وامسح واكنس قبل متفرش
دكر القط دا ناكر الفضل
برارى نشال .
ضُم يا قط و اقولك سر
عارف معنى "شريد العمر" ؟!
لفّه بعيده وسكة مرار
حُكمها كاوى وكيف النار
تتعب تعطش تِخفى و تغطس
ولا ليك سعر
ارجع نونو واقصر شر
أو
بِسّ يا قط اعكُشّلك فار
***** بهاء اللبودى