ثقافة غربي...بقلم لحربي علي...مجلة كلام من القلب

زجل
(ثقافة غربي)

بيحب مصر بثقافة غربي
شباب وكسر عامل أوروبي
أديله صفر بس اللي يعبي

واقف يعارض بصورة جيفارا
باليد عاضض علبة سيجارة
يشرب / يعفر شارع وحارة
وإن جه يفكر يقفل إشارة
ومصرتصغر في عيون حبايبي
بيحب مصر بثقافه غربي

عاوز يكون زي كاسترو
أو لينين دا اللي فاكروه
فيلسوف غبي يشد آزره
يبيع / يشتري ويضل فكروه
وعنده النبي ساكن ف جمبه
بيحب مصر بثقافة غربي

فاكر بلدنا بنظامه تمشي
وتاريخ جدودنا مايفطر يعشي
عايزله قدوة كافرة تحشي
أفكارها مره تحصد وترشي
فاكرها حلوة تقولوا جبي
بيحب مصر بثقافة غربي
شباب وكسر عامل أوروبي
أديله صفر بس اللي يعبي

(نقد ذاتي)
لحربي علي
شاعرالسويس