ومين يقدر... بقلم سامح محمد حسن حراز

" ومين يقدر"

ومين يقدر
على بعادك يا ست الكل
يا حنينه ولمه ولادك
يا ورد وفل
عيون القلب تحكيلك
والنبض كمان يغنيلك
أنا أصلي شربت من نيلك
ولا عرفت الذل
عروسه جميله يا بلادي
غرامك عشق في فؤادي
وفستانك قلبك الأبيض
وولادك عليه التُل
في كل ليله ليك عريس
شهيد حبك قتله خسيس
بايع دينه بايع بلده
وإمامه إبليس
ودموعك نيلك على خدك
يا حنينه ومين أدك
حمول الدنيا ما تهدك
يا شمس وضل
ومين يقدر
على بعادك يا ست الكل
يا حنينه ولمه ولادك
يا ورد وفل

بقلم الكاتب سامح محمد حسن حراز