يا صبح هدي شوي
خلي الحبيب يصحى
يرسم ندى عمري
و ع طلتو أصحى
أشرب معو القهوة
و بصحبتو أصحى
ع حلم يمكن نام
و يمكن بيوم يصحى
يا حلم يا موجوع
لا تزيد لوم و عتاب
لما يا ليلي شاب
عمري و رسم أطياف
دوَّر على أحباب
لو يسعفه بكرا
حط القلب بالإيد
سكِّر عليه الباب
خلي الصبح يمشي
يرسل وراه بكرا
ما كان بالصدفة
و لا كان بالمره
غيوم و رمتها رياح
رسمت حلم مره
تعب اللحن يشكي
من قصة الأحزان
دور على الصدفة
بلكي العمر مرة
يطوي أسى الحسره
الـ صرلا عمر تحكي
تكسر بقلبي و صار
يا قوة الكسره
يا حلمي يا موال
يلي بنيت جبال
تاري يا حلمي رمال
تغلي بقلب صحرا
# جميلة نيال
ليست هناك تعليقات:
إرسال تعليق