حوار شعري بالعامية بين الشاعر (( خضر الفقهاء )) و (( جميلة نيـال ))
أنا أبوس ورد الخدود
و انزح أبوس شِفّـه
أشرب شهد مسكوب
فايض ع كل ضفّه
عند الصبح مرغوب
بدلاله و بخِفّه
برشفة - الصباح يروق
ما تهاتي ميت رشفة
تحت الحساب لأذوق
رِقّـة بهنـا و لهفـة
-- خضر الفقهاء --
____________________
بين الورود يدور
شهد و عسل مسكوب
لما يا صبح ورود
تلون عمر و قلوب
لما القمر تعبان
دور صبح مهيوب
يرسل له الأحلام
يرمي عنا الكروب
-- جميلة نيال --
___________________
دايم جميل البوح
لحن و نغم
شو طروب
-- خضر الفقهاء --
___________________
لما الصبح عنا
رايق .. حلا الفايق
يغني قصص موال
تسرح ندي و رغوب
-- جميلة نيال --
__________________
هيك الصبح غنى
بيت الشعر - معنى
تحته تجمعنا
و تقابلت القلوب
-- خضر الفقهاء --
________________
لما الغني عنا
دوري و غزل عنا
بعتابا و معنّا
يغني بسحره ، يدوب
-- جميلة نيال --
_______________
خلي السهر يحكي
عنا برحى الدبكة
و الإيد مشتبكي
و دفء اللقا المطلوب
__ خضر الفقهاء --
_______________
قولك إذا الدبكة
بموال مشتبكة
تعد الدني لبكة
و تمشي بطريق مقلوب ؟؟
-- جميلة نيال --
______________
لو مشيت بمقلوب
عن وعدنا ما نتوب
نحن الـ فتحنا دروب
نحو الأمل - شركة
-- خضر الفقهاء --
______________
يمكن أمل ضاوي
يسرق فرح حاوي
يعدي العمر مغلوب
يرسم فَرَاش بدروب
-- جميلة نيال --
______________
يطرب فؤاد حيران
للبوح و للمكتوب
ينسى عنا الأيام
في لحن ناي طروب
-- خضر الفقها --
_____________
يغزل ققص نايات
تغلي بصبح و دروب
تلف الدني بلمحة
و تكتب حكي لطيوب
-- جميلة نيال --
_____________
نايات من إحساس
فيها انتشت أنفاس
همس الحنين صار
عطر و عبق و طيوب
-- خضر الفقهاء --
_____________
يعزف لحن وناس
ليطيّب الأنفاس
ينثر عطر فواح
يزيد الطيوب طيوب
-- جميلة نيال --
_____________
دام العزف و الناي
بإيدك يقول موال
من عنبر الإحساس
فيه القلوب تذووووب
-- خضر الفقهاء --
____________
يا ناي بالشركة
يعزف لحن يفتي
يغني يدق دفوف
يا لحن لما يجوب
-- جميلة نيال --
____________
موال جميل و صدوح
يطرب شغاف الروح
بلسم قلب مجروح
و كف الضنا المسكوب
-- خضر الفقهاء --
____________
غني بصوت مبحوح
و ازرع طريقك شوق
يا جنح لما يطير
علّي و غطّي دروب
-- جميلة نيال --
____________
انتهت
ليست هناك تعليقات:
إرسال تعليق