عم دلّلك
عم غنّجك
شو صار !!
قمتِ بثورة و ما عتقتيني
معثّر أنا و دايخ عشر دوخات
و لما أحبك ليش تِشقيني
عم تعتبي و تعاندي النهدات
و تهدّدي منك تحرميني
ما عد فيي أسكب الدمعات
ما عدت قادر هيك تضنيني
خوضي سبيلك و انتقي اللحظات
فيها لسعدك فيض - و اعفيني
منك و من نارك و من لمزات
كان يسعدك لو فيها ترميني
لا تندبي حظك و أنا الوجعات
فيني على جمرك تواسيني
يا معوّدة صبري على الصدعات
ما عاد صبري اليوم يكفيني
بهذي الطريقة أوصلتْ حد الموت
و بتلوّمي قلبي ع تكفيني
خلّي اللّي حرقتْ مهجته الآهات
يغزل أنيني بناي كاويني
-- خضر الفقهاء --
ليست هناك تعليقات:
إرسال تعليق