هَـدَلــتِ بــآه .
....................
هَـدَلــتِ بــآه من ألبــك وَجعهــا كـان
و جُــوا الآه في ألبــك بحـر غَـرقـان
وحيـدة بلحظتــكْ تبـكي بغيـر دموع
و كان مسموع دمع صوتك و جرحه بان
يا مصلوبه على عود الهوى من سنين
لـحـتى الــدّم فـارق ضَـمّــة الشـريـان
و لسّـا بتنـطُري فـارس لِـكَحْل العـين
و ناعور الصبر تهذي بهوى البستان
نِبات ننعي و جوانح لهفة مكسورين
جبين باكي و ملامح تشتكي الإمعان
يا ريت الشوق يرحم وجعة الملهوف
و جمر الليـل ما يحرق قلـب وجعان
هَـدلــتِ بـآه - إنـتِ بـنـار حرقتــيني
يـا آه راعي مشاعـر هَـدّها تَـوَهــان
بتغفى و غُـربة جفـوني تزيـد همـوم
و أبقى ع الـوعـد نـاطـر قمـر سهران
شو فاد أنـطُر و أنا خِلّي وجع قاسي
ع أي جمـار يصلُب هـالألب - حيـران
---- خضر الفقهاء ----
ليست هناك تعليقات:
إرسال تعليق