سجال زجل بين الشاعر ( خضر الفقهاء) و ( جميلة نيال)
اليومْ يا أبُو أحمد
خَلِّينا بهالقصَّة نِشْهَدْ
إنَّا للعالي رَحْ نطْلَعْ
و مَا رَحْ نخسَرْ بهالميدَانْ
-- جميلة نيال --
تعالي
و امسحي جراحي و داويني
و عافي الروح
لَـنودّع هالأحزان
-- خضر الفقهاء --
كلها گامْ يومُ و نتعافَى ...
نودِّع كل أحزَانْ الجَفَا
نرجّع ضَحكات المجْنُونة
لا همومْ بتبقَى
و لا أشجان
-- جميلة نيال --
بـ قصّتنا شهادتنا قديمة
ما إلها تغيب
أو توصل لخسران
-- خضر الفقهاء --
الخاين ما إلو عَنَّا
و لاااا في مكان بيجمَعنا
و الوفا و الله مَعنَا
قصَّة قديمة و أَوطَان
-- جميلة نيال --
يعافيك اللطيف - أوعي تجافي
أخاف كثير لو قلبك مو صافي
رح افتحلك وسط قلبي مضافي
و شعر و بُوح
و ألف وردة و بستان
-- خضر الفقهاء --
ورُودْ الأرض بتتْجَلَّا
و بالحقيقة بتتْعَلَّا
لا غصّات و لا أَحزَانْ
و بْعيدْ كتيرْ الخِسْرَانْ
-- جميلة نيال --
وفاك الفاض و عم يسقي الجناين
و يروي الناس و عم يسعد حناين
يدوم العمر و يسقيني بمكاين
من الإخلاص بأشكالٍ و ألوان
-- خضر الفقهاء --
لولا الوفا
ما بيصير
ما بيصير
لا سعيدْ و لا وَزيْر
و العاصي بإيدو بيزيد
و الُّلوم يعَلِّي كَمَانْ
-- جميلة نيال --
ورداتك ع الصبح تفوح
تجاهر بالحب و بتبوح
و قلبي يغنّيك - يا الروح
و يترنَّم فيك و ولهان
-- خضر الفقهاء --
وردَاتْ الصّبْح تنادِيكْ
تخبِّرْ سحرْ السَّاكنْ فيكْ
بتندَهْ كلْ طيور الكونْ
تعلِّي و تزِيدْ الأَلحانْ
-- جميلة نيال --
يا سعدو اللي بقلبك صار
يغفى و يرندح أشعار
مؤمن فيك و عم بزيد
دفيان و هاني و فرحان
-- خضر الفقهاء --
لما السّعدْ بيجمَعنَا
و يرَندِحْ قَٰصَايدْنَا
يبقى الحسُّون الـ بالدَّارْ
سايِحْ ، دَايرْ بالأَفنَانْ
-- جميلة نيال --
حسّون العاشق أفنان
يزقزق من سعده و فرحان
يغني لك مني موال
بصوت معمَّق بالتحنان
-- خضر الفقهاء --
لنْغنِّي بكرى المَوَّالْ
و نسمّع كلّ الخلَّانْ
نقولْ نعِيدْ السَّعدْ يزِيدْ
و يطقّوا قَهرْ الجِيرانْ
-- جميلة نيال --
و يطقّوا
خلينا نعيد
العمر الفات و نعمل عيد
و ترجع ضحكتنا من جديد
تصدح من بعد الحرمان
-- خضر الفقهاء --
رَحْ ترجَعْ ضحكاتْ الدَّارْ
تغنِّي و تقُول الأَشعَارْ
و يا ويلو الي يقهرْنَا
يصبَحْ في الغيظْ ، و زعلَانْ
-- جميلة نيال --
مهما يباعدنا المشوار
و عمر تبعزق فوق النار
بنرجع لكروم الأفراح
و لدروب بتطرح إيمان
-- خضر الفقهاء --
لما دروبْ الدَّهر تدُورْ
ترجّع سحر الأرضْ البُورْ
و يطرحْ غصن الغَار النّورْ
يزهِّرْ بوروده البستَانْ
-- جميلة نيال --
غنّي و خلّي الكتف يرِفّ
و طرف عيونك نار تشِفّ
و دلعونة - ترندح ع الكَيْف
و تمَلّي الساحات بألحان
-- خضر الفقهاء --
يا عطر زهور الرمّانْ
غلِّي اليوم بضيعتنَا
عَبِّي بالسِّحر الأفنان
و زيدِي السَّاحة بلون جنَانْ
-- جميلة نيال --
نسينا نجن و نحنا صغار
و ضاعت خطوات المشوار
و العمر - بـ قُدرة منشار
طار
تأصأص
ما عاد كان
-- خضر الفقهاء --
مهما العمر مغرِّبنا
و لو ضَاعت قصايدنا
نرجَع نمْلَا الكَون قمارْ
نغنِّي هالعمر الطَّفرانْ
-- جميلة نيال --
عمر بدونك
مو محسوب
معتَّر خلاني و مغلوب
و مخلص كاين - ما عم توب
بموجك قضَّيتا غرقان
-- خضر الفقهاء --
غصَّات العمر تمَلِّي
جرَارْ الحَسْرات تخَلِّي
و لما بالحيرة تغَلِّي
برجع من بحرك عطشان
-- جميلة نيال --
عزف القوافي الطيوب
بصوت الكروان المحبوب
يخلّي الروح الكون تجوب
و يبقى لعزفاتك سهران
-- خضر الفقهاء --
لمَّا الشِّعر بيجمَعنا
بتتكلَّمْ قَصايدنَا
تحيِّرْ كلّ الـ يسمَعنَا
و دم بيغلِي بالشريان
-- جميلة نيال --
يغلي الدم بشرياني
لما تبوحي بمعاني
و تجُبّي كل أحزاني
و تروزي الشعر بميزان
-- خضر الفقهاء --
ميزان الشعر الأحلام
كلمات بتحكي أنغام
ترفع راية بنص الشام
و تغني وينك يا فلان
-- جميلة نيال --
سهم الـ صاب قلوب الناس
و خَلّى بصدورن وسواس
ف بكرة بيشرب نفس الكاس
بيندم هالساهي الغفلان
-- خضر الفقهاء --
لما كل الناس تصير
تخلِّي العقل المال يطير
تعبي الفرح بقلب البِير
و رح تعلق بين الخِلَّان
-- جميلة نيال --
القلب المال لصوب المال
تايه في خروم الغربال
ضايع منزوع الأحلام
معثَّر يا ذلّي و عريان
-- خضر الفقهاء --
قلوب تميل
كتار كتير
نفوس تعبّي القهر يصير
جبال تهدّ و ترمي حبال
تلفّ العمر
و مالا أمان
-- جميلة نيال --
يبعد ربي عنا قلوب
بتمشي ع الدرب المقلوب
بتعشق بالشِّرك المنصوب
و بخداع مبطَّن ما بان
-- خضر الفقهاء --
يا ربي يسمع منّا
و يبعد هالبشر عنّا
و لما نصاحب ما ننهَمْ
لا نتعثَّر و لا ننهَان
-- جميلة نيال --
ربك عادل رب قلوب
بتعشق و تصون المحبوب
بقلبك صار النور يجوب
العمر بإخلاص و إيمان
-- خضر الفقهاء --
كتبت بقلبي كتير كتير
و ردّ العمر
بعيد كتير
خيط الغربة طويل كتير
وجَّع هالقلب الحيران
-- جميلة نيال --
قلبك من نثر و أشعار
و ذاكر يوم الـ كنا صغار
نلعب فوق سطوح الدار
و خيّك مقهور و غضبان
-- خضر الفقهاء --
بتذكر لما كنا صغار
و ضربتو بحجرة شو صار
ساح بدمو هالمسكين
خلانا نركض بالغيطان
-- جميلة نيال --
بعد سنين في غربة
أنين
بالع شوق و جمر حنين
صار الوقت لروحي بعود
و أرشف أفراحي بفنجان
-- خضر الفقهاء --
أغاني العمر يمَلُّوا
صوت الموسيقا يعلُّوا
رح يرجع بكرا محلو
حسّون لْغَرَّدْ بالأزْمَان
-- جميلة نيال --
يا سعد القلب الموعود
برجوعه ليومه المنشود
يلاقي العمر الضاع و تاه
و يتهنى بملقى الخلان
-- خضر الفقهاء --
عند الصبحية بكير
نقعد نشرب قهوتنا
و الحلوة تعبي من البير
و رح تكبر قصايدنا
-- جميلة نيال --
وقت الصبح القهوة تبوح
و حكاية قلبينا تلوح
من بير أسرار العشاق
و السر اللي خبيتي يبان
-- خضر الفقهاء --
يا خيط الناسج بكير
بلُوز الحلوة بضيعتنا
حلي اللون كتير كتير
ليجود الصبح بأمان
-- جميلة نيال --
ناسج من صوتك أشعار
بصدر الودّ بضيعنا
كنت بكللها بالغار
و بغزل من شوقك تيجان
-- خضر الفقهاء --
تيجان الغار تلالي
يضوي هالعمر قبالي
و لما ترندح بالموال
الناس بترقص بالغيطان
-- جميلة نيال --
خلّينا من عيون الناس
نتلّي الساحات بإحساس
العاشق يشرب أول كاس
و الخالي يعمشق حيطان
-- خضر الفقهاء --
لما الساحات تملّي
قلوب الصبايا تَغلّي
و كلمين بدها تعلّي كتير
و ترَكّبْ إلها جنحان
-- جميلة نيال --
همَّ الصبيا الحلوين
إيدُن تغفى براحة مين
وردات بتعشق ياسمين
و ياسمين الضيعة خجلان
-- خضر الفقهاء --
العمر بيمشي
قصير كتير
و الشغلة ما بدها تفسير
و لما رح نكتب أشعار
الكل يصير بخبر كان
-- جميلة نيال --
تمَّ بساح الشعر سجال
عزف - بجرأة تقول موال
فيلنغ مبسوط بهالحال
سهيان و شارد طربان
-- خضر الفقهاء --
النهاية
يغلي الدم بشرياني
لما تبوحي بمعاني
و تجُبّي كل أحزاني
و تروزي الشعر بميزان
-- خضر الفقهاء --
ميزان الشعر الأحلام
كلمات بتحكي أنغام
ترفع راية بنص الشام
و تغني وينك يا فلان
-- جميلة نيال --
سهم الـ صاب قلوب الناس
و خَلّى بصدورن وسواس
ف بكرة بيشرب نفس الكاس
بيندم هالساهي الغفلان
-- خضر الفقهاء --
لما كل الناس تصير
تخلِّي العقل المال يطير
تعبي الفرح بقلب البِير
و رح تعلق بين الخِلَّان
-- جميلة نيال --
القلب المال لصوب المال
تايه في خروم الغربال
ضايع منزوع الأحلام
معثَّر يا ذلّي و عريان
-- خضر الفقهاء --
قلوب تميل
كتار كتير
نفوس تعبّي القهر يصير
جبال تهدّ و ترمي حبال
تلفّ العمر
و مالا أمان
-- جميلة نيال --
يبعد ربي عنا قلوب
بتمشي ع الدرب المقلوب
بتعشق بالشِّرك المنصوب
و بخداع مبطَّن ما بان
-- خضر الفقهاء --
يا ربي يسمع منّا
و يبعد هالبشر عنّا
و لما نصاحب ما ننهَمْ
لا نتعثَّر و لا ننهَان
-- جميلة نيال --
ربك عادل رب قلوب
بتعشق و تصون المحبوب
بقلبك صار النور يجوب
العمر بإخلاص و إيمان
-- خضر الفقهاء --
كتبت بقلبي كتير كتير
و ردّ العمر
بعيد كتير
خيط الغربة طويل كتير
وجَّع هالقلب الحيران
-- جميلة نيال --
قلبك من نثر و أشعار
و ذاكر يوم الـ كنا صغار
نلعب فوق سطوح الدار
و خيّك مقهور و غضبان
-- خضر الفقهاء --
بتذكر لما كنا صغار
و ضربتو بحجرة شو صار
ساح بدمو هالمسكين
خلانا نركض بالغيطان
-- جميلة نيال --
بعد سنين في غربة
أنين
بالع شوق و جمر حنين
صار الوقت لروحي بعود
و أرشف أفراحي بفنجان
-- خضر الفقهاء --
أغاني العمر يمَلُّوا
صوت الموسيقا يعلُّوا
رح يرجع بكرا محلو
حسّون لْغَرَّدْ بالأزْمَان
-- جميلة نيال --
يا سعد القلب الموعود
برجوعه ليومه المنشود
يلاقي العمر الضاع و تاه
و يتهنى بملقى الخلان
-- خضر الفقهاء --
عند الصبحية بكير
نقعد نشرب قهوتنا
و الحلوة تعبي من البير
و رح تكبر قصايدنا
-- جميلة نيال --
وقت الصبح القهوة تبوح
و حكاية قلبينا تلوح
من بير أسرار العشاق
و السر اللي خبيتي يبان
-- خضر الفقهاء --
يا خيط الناسج بكير
بلُوز الحلوة بضيعتنا
حلي اللون كتير كتير
ليجود الصبح بأمان
-- جميلة نيال --
ناسج من صوتك أشعار
بصدر الودّ بضيعنا
كنت بكللها بالغار
و بغزل من شوقك تيجان
-- خضر الفقهاء --
تيجان الغار تلالي
يضوي هالعمر قبالي
و لما ترندح بالموال
الناس بترقص بالغيطان
-- جميلة نيال --
خلّينا من عيون الناس
نتلّي الساحات بإحساس
العاشق يشرب أول كاس
و الخالي يعمشق حيطان
-- خضر الفقهاء --
لما الساحات تملّي
قلوب الصبايا تَغلّي
و كلمين بدها تعلّي كتير
و ترَكّبْ إلها جنحان
-- جميلة نيال --
همَّ الصبيا الحلوين
إيدُن تغفى براحة مين
وردات بتعشق ياسمين
و ياسمين الضيعة خجلان
-- خضر الفقهاء --
العمر بيمشي
قصير كتير
و الشغلة ما بدها تفسير
و لما رح نكتب أشعار
الكل يصير بخبر كان
-- جميلة نيال --
تمَّ بساح الشعر سجال
عزف - بجرأة تقول موال
فيلنغ مبسوط بهالحال
سهيان و شارد طربان
-- خضر الفقهاء --
النهاية
ليست هناك تعليقات:
إرسال تعليق