عشان بحبك
عبيت البحر بكاسات
و رَويت فيهم غيمَات السَّما
ليمَطِّرُوا ندى يروي وَردَك
و تبقى حَدِّي
و تخليني كل يوم حَدَّك
و عشان بحبك
رسمت بالسَّما نجوم
ليزيِّنو عمرَك
و القمر رسمتو بدَر تـ ينوَّر دربَك
نقهُر العتمات لما خدِّي يلامس خدَّك
و يا محلا السَّهر بفيات زيتونة
بصيفية حلوة مجنونة
نسمة دفا
تدَغدغ قلب مشتاق
و ناطر طول العمر يبقى حَدَّك
- جميلة نيال -
ليست هناك تعليقات:
إرسال تعليق