همسة زجل
يتوه بنظراتك قلبي و ما بعود بشوف
غير طيوفك
عن غيرك صاير مكفوف
كِنّي عن وعيي غايب و الحب قطُوف
و نفسي بقََطفة
و هالهايم حولك بـطوف
أطياف تلاعب قلبي بحجة ملهوف
رحّبت بأهلا و سهلا يا أغلى ضيوف
جنَّت و بحالي اشتغلت - فاقت الوصوف
و خلَّت هالقلب العاني يقلّب بـكفوف
حطي العالم و انسيهم خلف اللحظات
و أنتِ تغنّي بقصتنا
و هُن ع رفوف
لا تخافي غدر الدنيا
ما منها خوف
بلحظة تغيبي بتصيبي نهاري بخسوف
جودي و تجلّي و بوحي
عصفورك صار
يغنّي و يرقص
ما عاد بريشه المنتوف
ما احلى البحة بنبراته
يغني بتريم
موال و ع الدلعونة
نسمع و نشوف
...
-- خضر الفقهاء --
ليست هناك تعليقات:
إرسال تعليق