فتشت
فتَّشتْ ع اسم يناسبَكْ
ما عرفت عنوان
ضاعت حروفي
بين قال.. و كان
تاهت بسحر القمر
مع رنِّة الفنجان
و قهوة مهيَّلِه...
تغني الصّبح ألوان
سألتْ الورد...
شو أكتب العنوان
قالت ..
حبيبي
و لا تسمعي لفلان
غنِّي.. ليالي الهنا
ردي الصدى التَّعبان
خلي الفرَح يملا الصّبحْ
خلي القهر غفيان
لا تزعلي
مافي حدا
عمرك قصيدة ملونا
ضمّت حروف مدوزنا
طالت سما
سكنت هنا
غفيت عخد السوسنا
دخلِك ..... يا عمري أنا
قولي حبيبي
أعلني العصيان
و لا...
لا ....
تضيعي العنوان
-- جميلة نيال --
ليست هناك تعليقات:
إرسال تعليق