الصلح خير
...........
هو خير
بس صلح مين ؟؟
صلح لما الكل يغلط
عامد
و تبقى الحزين !
و لما إنت بسهو تغلط
يذبحوك الجزارين
حتى لو ما عملت غلطة
يتهموك
و تغيب سنين
لما همَّ بتـوع مصالح
دجالين و نصابين
يبقى لازمهم تصالح
ع الركوع و تعيش مَهين
ع السكوت و تغمّي عينك
و اللسان مخروس سجين
و حِسّ عينك يوم بتشكي
أو تنوح و تبوح أنين
إنت صالح
و انت غير فاهم و ناصح
حتى ماتكنش المقاوح
في الحقوق - إخضع و لين
إنت في بلاد السيادة
من جديد منحوك ولادة
رقَّموك كَونَك زيادة
في الكشوف
و الله المُـعين ،،
--- خضر الفقهاء ---
ليست هناك تعليقات:
إرسال تعليق