ما أروعك
و بهمستك
كيف و حصير جنان
كنّـه الحلم
هارب و انا
أركض وراه سكران
خلّي الدني تغفى و تعي
ندندن زجل
رنّــان
يا بلسم القلب العني
من همستك شَـفيان
يحلى الزجل من تضحكي
تعبق لك الوديان
إنت القصيدة مزينة
و مطرّزة بوجدان
ما احلى الحلم
لما القمر
يضوي بنغم ألحان
لما بلحظة بتغفلي
و يغفى قلب حيران
شو بتغزلي بحرفك حكي
مشعشع نسَـج ألوان
كفي منامك و احلمي
ريتني معك
حلمان ...
-- خضر الفقهاء --
ليست هناك تعليقات:
إرسال تعليق