نغم و حياة مجاراة بين جميلة نيال و وجدي محمود الشناوي

مجاراة غنائية 

بيني (( جميلة نيال )) و بين الأستاذ (( وجدي محمود الشناوي )) بعنوان

((...نغم و حياة...))

طبعاً من غير خيال واسع

تلقي الجمال ضايع

طيري بخيالك للسما

الحلم مافيهوش ولا مانع

((وجدي محمود الشناوي))

خيالي و الله مجنني

يوم يكون رايح مني

و يوم يا باقي مطيرني

و يا ريت لو انه مطمني

 (( جميلة نيال))

خلي الخيال نعمه

و أوعي معاه تخافي

راح تسمعي النغمه

كما سلسبيل صافي

((وجدي محمود الشناوي))

أنا نغمي ياما غنينته

على الحرير ياما مشيته

راح يلغي كل الي ساويته

و يبني بالمُلحَق بيته

 (( جميلة نيال))

سمعت نغمك حبيته

وف حلمي وجراحي لاقيته

ودوالي ياما جروح ماتطيب

وجرح في البال خبيته

كان جرح صعب لأغلي حبيب

((وجدي محمود الشناوي))

خلي جراحك غنا و جنان

حتطيب و تبقا تمام بتمام

سيب الي جرحك و القى حبيب

يسرح معاك و تلاقي طبيب

 (( جميلة نيال))

 هي الجراح من إمتي تطيب

من غير غرام مع حب حبيب

وانا جرحي لساه يتألم

وتملي حظي معاه بيخيب

((وجدي محمود الشناوي))

لما الألم ويانا يعيش

نعمله فرحة و يبقا ما فيش

و صالة و رقص و يلا... لوليش

 (( جميلة نيال))

وصال ورقص على الأنغام

خلينا نخلق دنيا غرام

خلينا نفتح باب القلب

دي قفلته في وشي ..

و الله حرام

((وجدي محمود الشناوي))

خليك شجاع و ارمي الذكرى

تفائل باليوم.. و بكرا

انسا حبيب كان يوم حيجيب

صداع و قفل للقلب يخيب

 (( جميلة نيال))

ساعات بيجي معاه أوجاع

وجراح وآه وٱلام وخداع

وتملي من قلبي انا شاري

القى اللي عاشقه غدرْبِي وباع

((وجدي محمود الشناوي))

ما دام حبيبك بقا غدار

اقفل وراه بالضبة الباب

و لا يوم تقول أه ياني يا هو

و لا راحت الأحلام يا ..يا هو

 (( جميلة نيال))

الغدر فعل لناس خاينين

راضين نعيش في جراح وعذاب

ودموع بتجرح نن العين

وحياه بتبقي سواد وهباب

((وجدي محمود الشناوي))

يا قلبي يلي متعبني

وسط الجراح ياما سايبني

حقفل عليك كل الأبواب

و أنسى الي فات و كأنه ما كان

 (( جميلة نيال))

وانسي اللي فات وكأنه ماكان

واتخبي في جنينة روحي

والغي الغرام جوه الوجدان

هو السبب في نزيف روحي

هو سبب كل الحرمان

((وجدي محمود الشناوي))

حرمان نقلو يروح لبعيد

ويا الهنا الإيد ويا الإيد

نكتب غناوي و هات يا جنان

و نقول للحزن ابعد يا جبان

 (( جميلة نيال))

لو كنتي ويايا بقلبك

احيا في فرح وامل وحنان

واتغني بحروف من نسجك

والقلب ليكي يكون عنوان

((وجدي محمود الشناوي))

أنا قلبي سيبو بعيد أرجوك

خلينا بحروف و نكفي

أصل الزمان وياي غريب

بيغني آه يانا يا غُلبي

 (( جميلة نيال))

لو غنى اه يانا ياغلبي

يبقي السبب قسوة حبي

لو كنت فعلا قاسي عليك

والجرح جواك متخبي

ماقدرش اسبب دمع عنيك

ولا اقدر انساك من قلبي

((وجدي محمود الشناوي))

غنينا لما قلنا الآه

و حكينا قصة ليالينا

و سلامي ليك يا بو حرف جميل

بالشوق حنكتب أسامينا

(( جميلة نيال ))

والشوق في حرفك وف حرفي

ارجوكي بجمالك خفي

واياك في يوم تبعدي عني

او شمعة الإحساس تطفي

((وجدي محمود الشناوي))

انتهى

.................

...........

.....