أدّ البعاد
======
لازم أكون أدّ البعاد
أكون شارب كاس العناد
مش حاجة إنت تملكيها
ترمي تشتاقي تجبيها
مش هلزم تاني السكون
بتمرد و يكن ما يكون
دميتك ملت خلاص
منك هلاقي مناص
ولو البعاد هو اليقين
بفوتك قلب يعيش حزين
هاكون أنا أدّ البعاد
هشرب من كاس البعاد
ياللي ف هواكي مترحميش
أدور على الحنان مافيش
حيك أصبح ضعيف هشيش
و إنت غايبة و لا تعلميش
كان هوايا وادي رحيب
جعلتة جنة ربيع للحبيب
حولتيه لأنقاض ركام
بقيتى عنه حد غريب
راضي إني أكون وحيد
لو هسير وحدي شريد
لكني مش هاكون عشانك
فرد في زمرة عبيد
خلاص نويت على البعاد
وشربت أنا كاس العناد
بقلم الشاعر / حاتم صلاح أنور
ليست هناك تعليقات:
إرسال تعليق