جسور الأمل ،، - للشاعر / خضر الفقهاء

جسور الأمل
...............

تعي نقطع جسور الأمل
نرجع براءه صغار

بنت و صبي و قصة فرح
نبدا سوا المشوار

نرجع أغني و تلعبي
و نجمع هَنا و أزهار

جدّل ضفاير طفلتك
و اشبك لك الزنار

و اكليل من فل الكرم
أحمر مطرّز غار

توِّج جمالك و انحني
لحُسنك و أقول أشعار 
*

تيجي معي
نرجع بدون أفكار

شب و صبيّةْ
و قلب من نـوّار

يتقابلوا بكرم الهوى
و يتبادلوا الأسرار

قَـدّين ميّـلهُن هَــوا
و كَـفّين - جمـار و نار

قَولِك - بتيجي و تخضعي
تقضي عمر تاني معي

أهمس و انت بتسمعي
و احبك
تحِنّي و تدمعي

و ضمك
ع صدري تخشعي

تغفي بأمان و تهجعي
بليلي
ليصحى نهار 

--- خضر الفقهاء ---